| ॥ श्री बिल्वाष्टकम् ॥ |
|---|
| त्रिदलं त्रिगुणाकारं त्रिनेत्रं च त्रिधायुतम्। त्रिजन्मपापसंहारमेकबिल्व शिवार्पणम् ॥1॥ |
| त्रिशाखैर्बिल्वपत्रैश्च अच्छिद्रै: कोमलैस्तथा। शिवपूजां करिष्यामि एकबिल्वं शिवार्पणम् ॥2॥ |
| अखण्डबिल्वपत्रैण पूजितं नन्दिकेश्वरम्। शुध्यते सर्वपापेभ्य एकबिल्वं शिवार्पणम् ॥3॥ |
| शालिग्रामशिलामेकां विप्राणा जातु अर्पयेत्। सोमयज्ञमहादानमेकबिल्व शिवार्पणम् ॥4॥ |
| दन्तिकोटिसहस्राणि अश्वमेधशतानि च। कोटिकन्यामहादानमेकबिल्वं शिवार्पणम् ॥5॥ |
| लक्ष्म्याश्च स्तन उत्पन्नं महादेव सदाप्रियम्। बिल्ववृक्षं प्रयच्छामि एकबिल्वं शिवार्पणम् ॥6॥ |
| दर्शनं बिल्ववृक्षस्य स्पर्षनं पापनाशनम्। अघोरपापसंहारमेकबिल्वं शिवार्पणम् ॥7॥ |
| मूलतो ब्रह्मरुपाय मध्यतो विष्णुरुपिणे। अग्रत: शिवरुपाय एकबिल्वं शिवार्पणम् ॥8॥ |
| बिल्वाष्टकमिदं पुण्यं य: पठे शिवसन्निधो। सर्वपापविनिर्मुक्त: शिवलोकमवाप्नुयात् |
| ------ : ------- |